Aein Jawan Mardan - آئین جواں مرداں - آزادی صحافت کے علمبردار پیٹرز ینجر کی کہانی

-8 %

Aein Jawan Mardan - آئین جواں مرداں - آزادی صحافت کے علمبردار پیٹرز ینجر کی کہانی

Category: Biography
Pages: 126
Stock: In Stock
Model: STP-13195

Based on 0 reviews. - Write a review

Rs.450

Rs.490

Qty

Add to Cart

Buy Now Ask Question

Add to Wish List Compare this Product

آئینِ جواں مرداں
آزادی صحافت کے اولین علمبردار پیٹر زینجر کی کہانی
ترجمہ نگار: آفتاب احمد
مصنف: ٹام گالٹ

ریاستی چیرہ دستیوں کے خلاف آزادیَ صحافت اور تحریر و تقریر کی آزادی کی کوئی کوشش معاشرے کی پشت پناہی کے بغیر بار آور نہیں ہوتی ۔ جدوجہد کرنے والا یا تو لاپتا کر دیا جاتا ہے یا شہید ۔ اٹھارویں صدی کے پہلے نصف کا امریکی معاشرہ اپنی جینیاتی ساخت میں شروع ہی سے آزاد منش تھا ۔ یہ پابندیوں سے بھاگے ہوئے ’’وکھرے‘‘ لوگ تھے جو اپنی جنم بھومیوں کی تپتی چھاءوں سے تنگ آ کر کلیسا اور ریاست کی پابندیوں سے ٓازاد زندگیوں کی کھوج میں ِ بے یقینی کا اوقیانوسِ بیکراں پار کر کے امریکا پہنچے تھے ۔ ایسوں کا ہی دم تھا کہ امریکا میں پیٹر زینجر جیسے قلندرانِ آزادی فریڈم آف پریس کا پرچم بلند کیے رہے اور آمرانہ روِش اختیار کرنے والوں کو پسپا ہونا پڑا ۔ پیٹر زینجر کو بجا طور پر امریکہ میں پریس کی آزادی کا پہلا جنگجو کہا جاتا ہے ۔ 1735ء میں اس پر چلنے والا مقدمہ اور اس کا نتیجہ امریکی اعلانِ آزادی کا حرفِ اول ثابت ہوا ۔ امریکا اور آگے چل کر دنیا بھر میں آزادیَ صحافت کے قوانین میں آج بھی پیٹر زینجر کے مقدمے کا حوالہ دیا جاتا ہے ۔ بنجمن فرینکلن نے یکم دسمبر 1737ء کو پنسلوانیا گزٹ میں لکھا:’’ پریس کی آزادی کا انحصار اس مقدمے پر تھا ۔ ‘‘ اگر پیٹر زینجر ثابت قدم نہ رہتا اور نیویارک کا شہری معاشرہ اس کا ساتھ نہ دیتا تو شاید امریکا کو تاجِ برطانیہ سے خود کو آزاد کروانے میں ایک صدی اور لگ جاتی ۔
۔
یہ کتاب ہمارے لیے بھی بہت اہم ہے ۔ گو کہ ہمارا زمان و مکان پیٹر زینجر سے قدرے مختلف ہے اور یہ بھی حقیقت ہے کہ پیٹر زینجر کی لڑائی ریاست سے تھی اور معاشرہ اس کا ہم نوا تھا جب کہ ہمیں یہ لڑائی معاشرے سے لڑنی پڑ رہی ہے اور ریاست سے بھی ۔ شاید ہم اپنی تاریخ کے پیٹر زینجری مرحلے سے نبرد آزما ہوئے بغیر گزر آئے ہیں۔ ہمارے ہاں بھی کئی پیٹر زینجر گزرے لیکن معاشرہ ان سے لاتعلق رہا اور وہ گورنر کوسبی جیسوں کے ظلم و ستم کا نشانہ بن کر تاریخ کے ریگستان میں گم ہو گئے ۔ ہمیں تو یہ بھی نہیں پتا کہ ہم تاریخ کے کس گھنٹا گھر کے کونسےچوک پر کھڑے ہیں اور یہ کہ ہمارے ہاں پیٹر زینجری دور گزر چکا ہے یا آنے کو ہے ۔ یہ کتاب شاید اس دھندلکے سے باہر آنے میں آپ کے کچھ کام آ سکے ۔