Akhir e Shab Kay Humsafar

"اگلی نسل ویسی نہیں رہی۔” یہ گلہ برسوں سے ہر نئی نسل کو دیکھنے والے کرتے آ رہے ہیں۔ یہ ہی بات اس ناول میں بھی ہے۔ پہلے وہ نسل خود بغاوت کرتی ہے اور جب اس کا وقت ختم ہو جاتا ہے اور نئی پیڑھی جنم لیتی ہے اور وہ بھی باغی نکلتی ہے، مگر ان کی بغاوت میں اور پرانی پیڑھی کی بغاوت میں فرق ہوتا ہے، جو ظاہر ہے وقت کے ساتھ سب ہی تغیر کے بہاؤ میں مبدل ہو جاتا ہے۔ اور اب یہ بغاوت پرانے باغیوں کو پسند نہیں آتی۔ ہاں! وقت گزرا مگر باغیوں پر ردِ عمل وہ ہی رہا ہے۔ یہی توdeviance کی خاصیت ہے۔
'آدمی کی عادت ہے اسے اس کی جنت سے نکالو تو وہ اپنے لیے بری بھلی ایک اور جنت بنا لیتا ہے'. میری نظر میں اس ناول کواگر اس ایک فقرہ میں بیان کیا جائے تو غلط کوشی نہ ہوگی۔
خوبصورت (الہیاتی ) خیالات سے لبریز نثر ، حیاتیاتی و اندرانی روحانی کشمکش ، ناسٹلجیاء (ماضی سے عقیدت) بنگالی نظریاتی و ثقافتی پس منظر، شورش انگیز بنگالی وقت (ہندوستان سے پاکستان اور پھر بنگلہ دیش کے بعد ) ، عصبیاتی پیچیدگی ۔ ۔ ۔ ۔ ۔ ناول کے چند موضوعات و خصوصیات۔
کرداروں کو ترتیب اور جس ضابطے سے کہانی میں ڈھالا گیا ہے ، لائقِ تحسین ہے۔ بلاشبہ اردو کا ایک خوبصورت ناول۔