Kahani Baray Ghar Ki - کہانی بڑے گھر کی

عاصمہ شیرازی، پاکستانی میڈیا کا وہ نام ہیں جو کسی تعارف کا محتاج نہیں۔ آپ کی انفرادیت آپ کا حجاب لینے کا خاص انداز ہے۔ عاصمہ شیرازی پاکستان کی صفِ اول کی صحافی اور اینکر ہیں اور اپنے منفرد انداز اور بے باک صحافت کی بنیاد پر جانی جاتی ہیں۔ عاصمہ شیرازی پہلی پاکستانی صحافی ہیں ،جنھیں 23 اکتوبر 2014 کو جرات مندانہ صحافتی خدمات کے لیے ممتاز پیٹر میکلر ایوارڈ (Peter Mackler award)سے نوازا گیا۔ یہ ایوارڈ ہر سال کسی ایک ایسے صحافی کو دیا جاتا ہے ،جس نے غیر جانبدارانہ رپورٹنگ اور میڈیا کی آزادیوں کو برقرار رکھنے کے لیے خدمات پیش کی ہوں۔ ان دنوں عاصمہ آج نیوز پر” فیصلہ آپ کا “ کے نام سے شو کر تی ہیں ، جو مقبول عام ہے۔اس کے علاوہ عاصمہ شیرازی بی بی سی نیوز اردو کے لیے ہفتہ وار کالم بھی لکھتی ہیں۔ زیر نظر کتاب ان کی پہلی کتاب ہے جو کے اردو زبان میں شائع ہورہی ہے۔