Yeh Company Nahi Chaly Gi - یہ کمپنی نہیں چلے گی

لطیفہ تو کافی پرانا ہے مگر کردار اور واقعات نئے ہیں۔ ایک سکھ سردار مے نوشی کرتے کرتے اتنے ماہر ہو گئے کہ وہ شراب سونگھ کر یا اس کا ذائقہ چکھ کر بتا دیتے تھے کہ یہ کونسی شراب ہے، اس کا نام کیا ہے اور برانڈ کون سا ہے۔ دوست احباب تو سب ان کی مہارت کو مانتے تھے مگر ایک مہمان نے انہیں چیلنج کر دیا۔ مہمان کمرے میں گیا، اپنے بیگ سے تین چار مختلف برانڈز نکالے، انہیں مکس کیا اور سردار صاحب کے سامنے جام رکھ کر پوچھا:اب بتائو یہ کونسی شراب ہے؟ سردار صاحب نے جام اٹھایا، اسے سونگھا، دوستوں کی طرف دیکھا اور پھر جام اٹھا کر اس کا ذائقہ چکھا۔ سب منتظر تھے کہ ابھی سردار صاحب ہمیشہ کی طرح نام بتا دیں گے لیکن سردار صاحب سوچ میں گم ہو گئے۔ تھوڑی دیر کے بعد سر اٹھا کر ناکامی کا اعتراف کیا اور ساتھ ہی کہا:یہ جو بھی برانڈ ہے، جس بھی کمپنی نے اسے بنایا ہے، اسے اطلاع کر دو کہ یہ کمپنی نہیں چلے گی۔

سہیل وڑائچ کی شہرہ آفاق کتاب "یہ کمپنی نہیں چلے گی"